काठमाडौं- राष्ट्रिय ट्रमा सेन्टरमा कार्यारत एकजना स्वास्थ्यकर्मीमा कोरोना संक्रमण पुष्टि भएको छ ।

अस्पतालका निर्देशक सन्तोष पौडेलले एकजना स्वास्थ्यकर्मीमा कोरोना संक्रमण पुष्टि भएको जानकारी दिएका हुन्।

डा पौडेलका अनुसार अस्पतालमा कार्यरत हेल्थ असिस्टेन्टमा कोरोना पुष्टि भएको हो ।

संक्रमित कर्मचारी ४३ वर्षका पुरुष हुन् । अस्पतालको स्वास्थ्यकर्मीमा कोरोना पुष्टि भएपछि अस्पतालमा कार्यारत ४० जनालाई क्वारेन्टाइनमा राख्न लागिएको डा पौडेलले खबरहबलाई बताए ।

‘हाम्रो अस्पतालका एकजना ४३ वर्षका पुरुष स्वास्थ्यकर्मीमा कोरोना पुष्टि भयो,’ डा पौडेलले भने, ‘उहाँ हेल्थ असिस्टेन्ट हुन्, उहाँमा कोरोना पुष्टि भएपछि अस्पतालका ४० जना कर्मचारीलाई क्वारेन्टाइनमा राख्दै छौं ।’