काठमाडौँ – सरकारले लगानी बोर्डको प्रमुख कार्यकारी अधिकृतमा नियुक्त गरेको सुशील भट्टको नियुक्ति बदरको माग उच्च अदालत पाटनमा रिट परेको छ।
सोमबार अधिवक्ता जयबहादुर भुजेलले उत्प्रेषणको आदेशबाट भट्टको नियुक्ति बदर गर्न माग गर्दै उच्च अदालतमा रिट दिएका हुन् ।
भट्टले यसअघि विभिन्न परियोजनाहरू अलपत्र पार्ने गरेको आरोप लगाउँदै रिट दायर भएको हो । रिटको पेशी मंगलबारलाई तोकिएको छ।
बोर्डमा स्वच्छ छवि भएको योग्य र दक्ष व्यक्तिलाई नियुक्त गर्ने आदेश सरकारलाई दिन पनि रिट निवेदकले माग गरेका छन्।
साउन १९ गते बसेको मन्त्रिपरिषदको बैठकले भट्टलाई बोर्डको प्रमुख कार्यकारी नियुक्त गरेको थियो।
प्रतिक्रिया