एजेन्सी – हङ्‌कङका चर्चित प्रजातन्त्रवादी अभियान्ता जिमी लाई हङकङ प्रहरीले पक्राउ गरेको छ ।

विदेशी शक्तिहरूसँग मिलेमतो गरेको आरोपमा ७१ वर्षीय जिमी लाई  प्रहरीले पक्राउ गरेको हो ।

गत महिना चीनले कार्यान्वयन गराएको विवादास्पद राष्ट्रिय सुरक्षा कानून उल्लंघन गरेको आरोपमा प्रहरीले उनलाई पक्राउ गरेको बीबीसीले जनाएको छ ।

उनी गत वर्ष हङ्‌कङमा भएको प्रजातन्त्रवादी आन्दोलनका समर्थक र त्यहाँको सबैभन्दा ठूलो एपल डेली समाचारपत्रका प्रकाशकसमेत हुन्।

गत फेब्रुअरीमा उनलाई अवैधानिक रूपमा भेला भएको तथा बलजफती गरेको अभियोगमा पक्राउ गरिएको थियो। त्यसबेला उनी धरौटीमा छुटेका थिए । उनीसँगै प्रहरीले सोमवार सात व्यक्तिलाई राष्ट्रिय सुरक्षा कानून उल्लङ्घन गरेको आरोपमा पक्राउ गरेको छ ।