काठमाडौं- नेपालमा पछिल्लो २४ घण्टामा १ सय २० जना उपचारपछि विभिन्न आइसोलेसन सेन्टरबाट डिस्चार्ज भएका छन्।

योसँगै निको हुनेको संख्या ८ हजार ११ पुगेको स्वास्थ्य तथा जनसंख्या मन्त्रालयले जनाएको छ। यसअघि बिहीबार १ सय ३९  डिस्चार्ज भएका थिए।

स्वास्थ्य तथा जनसंख्या मन्त्रालयका अनुसार धनकुटा, भोजपुर, सोलुखुम्बु, मुस्ताङ, मनाङ हुम्ला गरी कोरोना मुक्त हुने जिल्ला ६ पुगेका छन्।

नेपालमा पछिल्लो २४ घण्टामा थप १ सय १८ जनामा कोरोना भाइरसको संक्रमण देखिएको छ। योसँगै संक्रमितको संख्या १६ हजार ६ सय ४९ पुगेको छ।

शुक्रबार विभिन्न २५ प्रयोगशालबाट ४ हजार ८ सय ६ जनाको पीसीआर परीक्षण भएको छ।

हालसम्म २३ हजार ९ सय १० जना क्वारेन्टाइनमा रहेका छन्  भने ८ हजार ६ सय ३ जना आइसोलेसनमा रहेको मन्त्रालयले जनाएको छ।