चीन– चीनको वुहानमा कोरोना भाइरसको संक्रमणपछि निर्माण गरिएका १५ वटै अस्थायी अस्पताल बन्द गरिएका छन् ।

कोरोना भाइरसको संक्रमण नियन्त्रणउन्मुख भएपछि अस्थायीरुपमा निर्माण गरिएका १५ अस्पताल बन्द गरिएको चाइना डेलीले जनाएको छ ।

चिनियाँ राष्ट्रपति सी जिन फिङको भ्रमण लगत्तै कोरोना भाइरसको नियन्त्रणका लागि बनाइएका अस्थायी अस्पताल बन्द गरिएको जनाइएको छ ।

वुहान बाहिर नयाँ बिरामी देखिएका छैनन् भने वुहकानमा पनि कोरोना भाइरसको संक्रमण नियन्त्रणउन्मुख हुँदै गएपछि चिनियाँ राष्ट्रपति सीले मंगलबार वुहान क्षेत्रको भ्रमण गरेका हुन् ।

भ्रमणका क्रममा उनले स्थानीय नागरिक, सुरक्षा, स्वास्थ्यकर्मी र बिरामीसँग भेटवार्ता गरेका थिए । वुहान पुगेका राष्ट्रपति सीले सुरक्षाकर्मी, स्वास्थ्यकर्मी र आम नागरिकलाई धन्यवाद दिए ।

चीनमा ८० हजार भन्दा धेरैमा संक्रमित भएकोमा अहिलेसम्म ६५ हजार जना उपचारपछि घर फर्किएका चिनियाँ सञ्चारमाध्यमले जनाएका छन् ।