काठमाडौं– प्रहरीले झापा र रौतहटमा गरी पेस्तोलसहित ३ जनालाई पक्राउ गरेको छ ।

झापाको दमक नगरपालिका–३ मावाखोलामा १ थान पेस्तोल, त्यसमा लाग्ने गोली १ राउण्ड र २ वटा खोकासहित प्रहरीले १ जनालाई पक्राउ गरेको छ ।

पक्राउ पर्नेमा मोरङको मिक्लाजुङ गाउँपालिका–९ मधुमल्ला घर भएका ४४ वर्षीय मेघराज गौतम छन् ।

इलाका प्रहरी कार्यालय दमबाट खटिएको प्रहरी टोलीले गौतमलाई हतियारसहित पक्राउ गरेको हो ।

यस्तै, रौतहटको गढीमाई नगरपालिका–६ घरमपुरका कटुवा पेस्तोल १ थान र त्यसमा लाग्ने गोली ३ राउण्डसहित २ जना पक्राउ परेका छन् ।

पक्राउ पर्नेहरुमा सर्लाहीको धनकौल गाउँपालिका–६ छर्तौल बस्ने २६ वर्षीय राजेश राम र सोही ठाउँ बस्ने २१ वर्षीय सुरज राम छन् ।

भारतीय नम्बरप्लेट बीआर–३०–यु ८३८२ को मोटरसाइकल जाँच गर्ने क्रममा मोटरसाइकलमा सवार कटुवा पेस्तोल १ थान र गोली २ राउण्ड तथा सुरजलाई कटुवा पेस्तोलमा लाग्ने गोली १ राउण्ड र मोबाइल २ थानसहित पक्राउ गरिएको प्रहरीले जानकारी दिएको छ ।