काठमाडौं – शहीद स्मारक ‘ए’ डिभिजन लिग फुटबलमा एपीएफ क्लबले फ्रेन्ड्स क्लबविरुद्ध ५ – २ को शानदार जित निकालेको छ ।
एन्फा कम्प्लेक्स सातदोबाटोमा खेलमा एपीएफले फ्रेन्ड्सलाई ५-२ गोल अन्तरले पराजित गरेको हो ।
एपीएफको जीतसँगै फ्रेण्ड्सको शीर्ष ६ मा रहने सम्भावना लगभग टरेको छ । एपीएफको जितमा आशिष लामा र प्रविन स्याङतेनले २/२ गोल गरे भने कप्तान टोप बहादुर बिष्टले एक गोल गरे ।
फ्रेन्ड्सका विश्व अधिकारी र फिलिपे डी सौजाले एक/एक गोल फर्काए । जीतसँगै एपीएफले १२ खेलबाट ८ अंक जोडेको छ ।
एपीएफ पुछारबाट दोस्रो स्थानमा रहेको छ । फ्रेन्ड्स क्लव भने १२ खेलबाट १४ अंक जोडेर लिगको नवौं स्थानमा छ ।
प्रतिक्रिया