काठमाडौं- शहरी विकास राज्यमन्त्री रामवीर मानन्धरले शहरी ट्राफिक व्यवस्थापनमा चासो देखाएका छन् ।

उनले काठमाडौं उपत्यकामा हुने जाम र सवारी अस्तव्यस्ततालाई व्यवस्थापन गर्न सहयाेग हुने हेतुले ट्राफिक प्रहरीलाई विभिन्न ट्राफिक सामग्री हस्तान्तरण गरेका हुन् ।

उनले महानगरीय ट्राफिक प्रहरी महाशाखा प्रमुख भीम ढकाललाई २ वटा माइक र स्टप बोर्ड २ सय थान हस्तान्तरण गरेका छन् ।

मन्त्री मानन्धरले ट्राफिक प्रहरीलाई हन्तान्तरण गरिएका सामग्रीहरले ट्राफिक व्यवस्थापनका लागि सहयोग पुग्ने अपेक्षा लिए ।
उनले शुरुमा सिंहदरबार र बानेश्वरमा परीक्षणका रुपमा उक्त सामग्रीहरु प्रयोग गरिने जानकारी दिए ।

ट्राफिकलाई प्राप्त सामग्रीहरुको भरपुर उपयोग गर्ने महानगरीय ट्राफिक प्रहरी महाशाखा प्रमुख ढकालले बताए ।