यो वर्षको पहिलो चन्द्र ग्रहण शुक्रवार(आज) लाग्दैछ । यो चन्द्र ग्रहण मिथुन राशि र पुनर्वसु नक्षत्रमा लाग्ने छ ।
राति १० बजेर ५२ मिनेटमा शुरू हुने चन्द्रग्रहण १२ बजेर ५५ मिनेटमा मध्य हुनेछ भने राति २ बजेर ५६ मिनेटमा सकिनेछ ।
शुक्रबार लाग्ने चन्द्रग्रहण खग्रास वा खण्डग्रास नभई ‘पेनम्ब्रल’ चन्द्रग्रहण रहेको नेपाल एस्ट्रोनोमिकल सोसाइटीका अध्यक्ष सुरेश भट्टराईले बताए । यो ग्रहण नाङ्गो आँखाले भने देख्न सकिँदैन ।
चन्द्र ग्रहणले हाम्रो मन मस्तिष्कमा निकै प्रभाव पार्नेछ ।
ग्रहणको प्रभाव एक पक्षसम्म अर्थात १५ दिन सम्म रहने धार्मिक मान्यता रहेको छ ।
चन्द्रमा जलको कारक भएका कारण यस समयमा पृथ्वीमा जलीय समस्या या भूकम्प जाने सम्भावना पनि रहने धार्मिक मान्यता रहेको छ ।
राशि अनुसारको कुरा गर्ने हो भने चन्द्र ग्रहणको प्रभाव या दुष्प्रभाव अवश्य रहन्छ ।
मेष
मेष राशिका लागि तृतीय भावमा चन्द्र ग्रहणले मित्र तथा साना भाइ वहिनीको समबन्धलाई नराम्रो बनाउन सक्छ । यसका लागि गायत्री मन्त्र १०८ पटक जप गर्ने तथा भगवान शिवको नाम जप गर्नु फाइदजनक हुन्छ ।
वृष
यो राशिको दोस्रो भावमा चन्द्र ग्रहण धन कुटुम्ब सम्बन्धित वादविवाद गराउने सम्भावना रहन्छ । यसका कारण सफा चिजको दान गर्नुस् । जस्तै सेतो कपडा वा चामल ।
मिथुन
यस पटक चन्द्र ग्रहण मिथुन राशिमा पनि लाग्दैछ । यो चन्द्रग्रहण स्वास्थयलाई लिएर समस्या बन्न सक्छ । यसकारण दुधले रुद्राभिषेक अवश्य गराउँनु होला ।
कर्कट
कर्कट राशिमा १२ औं घरमा चन्द्र ग्रहण भएका कारण स्वास्थयमा नराम्रो असर पर्न सक्छ । मन अशान्त रहनेछ । यसकारण चन्द्रमाको मन्त्र जप गर्नु फाइदाजनक हुन्छ । ओम् सोम सोमाय नम ः मन्त्रको जप गर्दा फाइदा पुग्छ ।
सिंह
सिंह राशिको ११ औं घरमा चन्द्र ग्रहण भएका कारण यो राशिका मानिसलाई धन लाभ धेरै हुन सक्छ । खर्चलाई रोक्नका लागि औषधिको दान गर्दा फाइदा पुग्छ ।
कन्या
यो राशिमा १० औं घरमा चन्द्र ग्रहण हुने कारण काममा रोकावट आउन सक्छ । यो दिन शिवलिंगमा अभिषेक गर्दा फाइदा पुग्छ ।
तुला
तुला राशिको नवौं भावमा ग्रहणको प्रभाव रहन्छ । यसले तपाइको करियरमा बदलाव ल्याउन सक्छ । सेतो पदार्थको दान र चन्द्रमाको जपले फाइदा पुग्छ भने आमालाई मन पर्ने चीज उपहार दिँदा फाइदा पुग्छ ।
वृश्चिक
राशिको अष्टम भावमा चन्द्र ग्रहण हरेक कार्यमा गडबढी गर्नेछ । यसको कारणले आँखामा असमस्या आउन सक्छ । र भाग्यमा रुकावट आउन सक्छ । चामलको खिर शिवलिंगमा चढाउँदा फाइदा पुग्छ ।
धनु
धनु राशिको सप्तम भावमा यो चन्द्र ग्रहण दाम्पत्य जीवनलाई खराब बनाउँछ । यस चन्द्र ग्रहण व्यापारमा नोक्सान गराउँछ । दुर्घटनाको जोखिम पनि रहेको हुन्छ । त्यसैले ओम् नम शिवाय मन्त्र ११ माला जप गर्नुहोस् ।
मकर
मकर राशिको छैठौं भावमा यो चन्द्र ग्रहण मनमा निराशा र जीवनसाथीसँगको वादविवाद बढाउन सक्छ । जीवनसाथगीसँग मिलेर शिवलिंगको पूजा र शिवाष्टक पाठ गर्नु पर्दछ ।
कुम्भ
को राशिको पञ्चम भावमा ग्रहणको प्रभाव रहन्छ । यसले पेटको रोग र प्रेममा समस्या उत्पन्न गराउँछ । त्यसैले शिवको नाम जप र पूजा अर्चना गर्नुहोस् ।
मीन
मीन राशिको चौंथो भावमा चन्द्रग्रहणले तपाइको आमाको स्वास्थ्य खराव गर्न सक्छ । यसले तपाईको मनमा निराशा आउन सम्छ । घरको उत्तर पूर्वी दिशालाई सधै सफा राखेर शिव भगवानको उपासना गनु फाइदाजनक हुन्छ ।
प्रतिक्रिया