काठमाडौं– स्वास्थ्य तथा जनसंख्या मन्त्रालयले हालसम्म देशभर ४ सय ९४ जना कोरोना संक्रमितको विभिन्न अस्पतालका आईसीयू र भेन्टिलेटरमा उपचार भइरहेको जानकारी दिएको छ ।

मन्त्रालयको तथ्यांकअनुसार ८३ जना भेन्टिलेटरमा र ४११ जना संक्रमित आईसीयूमा उपचाररत छन्।

आइसीयूमा रहेका संक्रमितको संख्या सबैभन्दा बढी बागमती प्रदेशमा २०४ जना रहेको छ । त्यसैगरी  ५२ संक्रमित भेन्टिलेटरमा उपचाररत छन् ।

लुम्बिनी प्रदेशमा ५४ जना आईसीयूमा र ६ जना भेन्टिलेटरमा, प्रदेश १ मा ४९ जना आईसीयूमा र १३ जना भेन्टिलेटरमा  रहेका छन् ।

प्रदेश २ मा ८ जना आईसीयू र २ जनाको भेन्टिलेटरमा उपचाररत भइरहेको मन्त्रालयले जनाएको छ।

सुदुरपश्चिममा १५ आईसीयू र १ जना भेन्टिलेटरमा  तथा गण्डकी प्रदेशमा ७२ आईसीयू र ९ जना भेन्टिलेटरमा र कर्णाली प्रदेशमा ९ जना आईसीयूमा उपचाररत छन्।