काठमाडौं- संविधानविद् डा. भीमार्जुन आचार्यले बेहोस भएपछि अस्पताल जानु भन्ने स्वास्थ्य मन्त्रालयका प्रवक्ताको अभिव्यक्ति खेदजनक रहेको टिप्पणी गरेका छन् ।

सामाजिक सञ्जाल ट्विटरमार्फत डा. आचार्यले स्वास्थ्य मन्त्रालयका प्रवक्ता डा. जागेश्वर गौतमको उक्त अभिव्यक्ति नागरिक शासनमाथिको विचलनमात्र नभई राष्ट्रिय तथा अन्तर्राष्ट्रिय लज्जाको विषय भएको पनि बताए ।

आचार्यले यसबारेमा सरकार प्रमुखको जवाफसमेत माग गरेका छन् ।

संविधानविद् डा. आचार्यले लेखेका छन् ,”बेहोस भएपछि अस्पताल जानु भन्ने स्वास्थ्य मन्त्रालयका प्रवक्ताको अभिव्यक्ति खेदजनक छ । यो अभिव्यक्ति नागरिक शासनमाथिको विचलन मात्र नभई राष्ट्रिय तथा अन्तराष्ट्रिय लज्जाको विषय पनि हो। सरकार प्रमुखको जवाफ चाहियो ।”