विश्वको एक नम्बर अनलाईन सपिङ अमेजनका संस्थापक र सीईओ जेफ बेजोस विश्वका सबैभन्दा धनी मानिस हुन् । यो बिषयको जानकारी कतिपयलाई थाहा हुनसक्छ तर उनीहरुको सम्पतीको रेकर्डबारे तपाईंलाई जानकारी छ ?

अमेजनका संस्थापक जेफ बेजोस रेकर्ड बनाउनमा चर्चित बनिसकेका छन् । कहिले उनको चर्चा डिर्भोसपछि श्रीमतीलाई अमेजनको ठुलो हिस्सा दिएकोमा बन्यो त कहिले लकडाउनमा सबैभन्दा बढि कमाउने ब्यक्तिका रुपमा । त्यसैले उनी आधुनिक इतिहासका २ सय अरब डलर सम्पती आर्जन गर्ने पहिलो ब्यक्ति बनेका छन् ।

फोर्ब्सका अनुसार अमेजनको स्टक प्राइज ३ प्रतिशतसम्म बढ्नासाथ जेफ बेजोसको नेट वर्थ ४.९ अर्ब डलरले बढेको छ । जहाँ अमेजनमा जेफ बेजोस ११.१ प्रतिशत स्टेक्सका मालिक हुन् । उनकी पूर्व पत्नी ३.८ प्रतिशतकी मालिक हुन् ।

कुनै बेला विश्वको सबैभन्दा धनी मानिसको रेकर्ड बनाउने बिल गेट्स अब दोश्रो स्थानमा झरेका छन् । फोर्ब्सका अनुसार जेफ बेजोसको कुल सम्पती २०४.६ अर्ब डलर छ।

जो बिल गेट्सको कुल सम्पतीभन्दा ९० अर्ब डलर बढि हो । हाल बिल गेट्सको कुल सम्पती ११६.१ अर्ब डलर रहेको छ । फेसबुकका संस्थापक मार्क जुकरबर्ग विश्वको तेश्रो धनी मानिस हुन् । उनको कुल सम्पती १०३.१ अर्ब डलर रहेको छ ।

जेफ बेजोसी पत्नीसंग पनि धनी महिलाको सूचीमा परेकी छन् । हाल उनको सम्पती ६३ अर्ब डलर पुगेको छ । उनी विश्वको दोस्रो धनी महिला हुन् ।

उनलाई लारियल कम्पनीकी मालिक फ्रैन्कोइस बेटनकोर्ट मियर्सले पछि पारेकी छन् । मियर्स विश्वको धनी महिला हुन् ।