काठमाडौं– वीरगञ्जमा मृत्यु भएकी एक महिलामा कोरोना पुष्टि भएको छ ।

नारायणी अस्पतालमा मेडिकल सुपरिटेन्डेन्ट डाक्टर मदन उपाध्यायले वीरगञ्जमा मृत्यु भएकी एक महिलामा कोरोना पुष्टि भएका खबरहबलाई बताए ।

डा उपाध्यायका अनुसार उनी वीरगञ्जको छपकैया निवासी २० वर्षकी महिला हुन् । ती महिलालाई हिजो नारायाणी अस्पतालमा मृत अवस्थामै ल्याइएको थियो ।

उनको हिजो मृत्युपछि स्वाब संकलन गरी कोरोना परीक्षण गर्दा पोजेटिभ आएको डा उपाध्यायले जानकारी दिए ।

‘हाम्रो अस्पतालमा हिजो दिउँसो मृत अवस्थामा ल्याइएको २० वर्षकी महिलाको कोरोना पुष्टि भएको छ,’ डा उपाध्यायले खबरहबसँग भने, ‘उहाँ शव अहिले हाम्रो अस्पतालमै छ ।’

डा उपाध्यायका अनुसार नारायणी अस्पतालको प्रयोगशालामा गरिएको परीक्षणमा ती मृत महिलासहित थप ७५ जनामा कोरोना संक्रमण पुष्टि भएको हो ।