भारतीय कन्नड चलचित्रकी अभिनेत्री एवम् र बिगबस कन्नडकी पूर्व कन्टेस्टेन्ट जयश्री रमैया आजकल सामाजिक सञ्जालमा निकै चर्चामा हुन्छिन् ।

उनले आफू डिप्रेसनमा रहेको सामाजिक सञ्जालमार्फत नै खुलासा गरेकी छन् । यत्तिसम्म भनिन कि उनी जीवन त्याग्ने योजनामा पुगेकी थिइन ।

जयश्री रमैयाले आफ्नो आधिकारीक फेसबुक अकाउन्टमा एक पोस्ट लेख्दै आफु डिप्रेसनसंग जुधिरहेको बताउँदै लेखेकि छन्, ‘जब म डिप्रेसनसंग लडिरहेको थिए त्यसबेला म मर्न चाहान्थे ।’ उनको केहि बेरमा नै यो पोष्ट डिलिट गर्दै पोष्टका लागि माफ मागेकी छन् ।

जयश्रीले आफ्नो पोष्टका लागी माफि माग्दै साउथ सुपरस्टार किच्चा सुदीपलाई धन्यवाद दिएकी छन् । उनले नयाँ पोष्ट मार्फत सुदीपलाई धन्यवाद दिदैं डिलिटेड पोस्टका लागी फ्यानसंग माफ मागिन ।

उनले सुदिपको प्रशंसा गरेकी छन्, ‘मेरो ख्याल राखेकोमा र मलाई बचाएकोमा म सुदिप सरप्रति आभारी छु ।’

जयश्री रमैया एक चर्चित मोडल र डान्सर हुन् । उनले सन् २०१५ मा कन्नडको रियलिटी शो बिगबोस कन्नडमा भाग लिएकी थिइन् । यस शोको होस्ट साउथ सुपरस्टार किच्चा सुदीप हुन् ।