काठमाडौं– सेती प्रादेशिक अस्पतालको प्रयोगशालामा गरिएको परीक्षणमा थप १० जनामा कोरोना संक्रमण पुष्टि भएको छ ।

अस्पतालले विज्ञप्ति मार्फत प्रयोगशालमा गरिएको परीक्षणमा थप १० जनामा कोरोना संक्रमण पुष्टि भएको जानकारी दिएको हो ।

नयाँ संक्रमण पुष्टि भएका संक्रमितहरु डडेल्धुरा, दार्चुला, कञ्चनपुर र कैलालीका छन् ।

सेती प्रादेशिक अस्पतालका अनुसार डडेल्धुराको नवदुर्गा गाउँपालिकाका २२ वर्षका पुरुष, दार्चुला लेकम गाउँपालिकाका २६ वर्षका पुरुष, कंचनपुर शुक्लाफांटाका २५ वर्षका पुरुष रहेका छन् ।

यस्तै कैलालीको धनगढी उपमहानगरपालिकाकी २ वर्षकी बालिक र २८ वर्षकी एक महिलामा पनि कोरोना संक्रमण पुष्टि भएको छ ।

यस्तै कैलालीकै मोहन्याल गाउँपालिकाको१७ वर्षका एक पुरुष, टीकापुर नगरपालिकाका क्रमश ४०, २३, २४ र ३६ वर्षका पुरुषहरुमा कोरोना संक्रमण पुष्टि भएको छ ।