काठमाडौं – छिमेकी देश चीनमा फैलिएको कोरोना भाइरसविरुद्ध नेपालले ऐक्यबद्धता जनाएको छ ।
परराष्ट्र मन्त्री प्रदीपकुमार ज्ञवालीले छिमेकी चीनका राज्य परिषद् सदस्य एवं विदेश मन्त्री वाङ यीलाई टेलिफोन गरी कोरोनाविरुद्धको संक्रमण रोक्न ऐक्यबद्धता जनाएका हुन् ।
चिनियाँ समकक्षीसँगको फोन वार्तामा कोरोनाविरुद्धको चीनको लडाइमा ऐक्यबद्धता जनाएको परराष्ट्र मन्त्रालयले ट्वीटमार्फत जानकारी दिएको छ ।
उनीहरुबीच द्विपक्षीय हितका विषयमा पनि छलफल भएको ट्वीटमा उल्लेख छ । चिनियाँ विदेश मन्त्री वाङले प्रधानमन्त्री केपी शर्मा ओलीको स्वास्थ्य लाभको कामना समेत गर्नुभएको छ ।
प्रतिक्रिया