एजेन्सी–स्पेनिस लिगमा रियल मड्रिडले हार ब्यहोरेको छ । कमजोर आकिएको रियल वेटिससँग रियल पराजित भएको हो ।

आइतबार राति भएको खेलमा मड्रिड वेटिससंग २–१ गोल अन्तरले स्तव्ध बनेको हो ।

पछिल्लो हारसँगै रियलको उपाधि होडमा धक्का लागेको छ । रियलले शीर्ष स्थानमा उक्लिने मौका समेत गुमाएको छ ।

खेलमा अग्रता घरेलु टोली बेटिसले डी सिल्भा जुनियरको गोलबाट ४० औ मिनेटमा लिएको थियो ।

पहिलो हाफको ईन्जुरी समयमा करिम बेन्जिमाले पेनाल्टीमा गोल गर्दै खेल बराबरीमा ल्याएका थिए ।

खेल सकिन ८ मिनेट बाँकी छदाँ बार्सिलोनाका पूर्व खेलाडी क्रिस्टियन टेलोले गोल गर्दै मड्रिडको महत्वपूर्ण तीन अंक खोसे ।

जितसंगै बेटिस ३३ अंक सहित तालिकाको १२ औं स्थानमा छ । रियल ५६ अंक सहित तालिकाको दोस्रो स्थानमा छ । रियल मड्रिडको पराजयले बार्सिलोनालाई फाइदा भएको छ । शीर्षस्थानको बार्सिलोना २७ खेलबाट ५८ अंक रहेको छ ।