काठमाडौं – आयरल्याण्डविरुद्धको तीन खेलको टी-ट्वान्टी क्रिकेट सिरिज अफगानिस्तानले एक खेल अगाबै जितेको छ ।

भारतको नोएडामा आइतबार भएको दोस्रो टी-ट्वान्टीमा २१ रनको जित निकाल्दै अफगानिस्तानले एक खेल अगाबै सिरिज २-० ले जितेको हो।

अफगानिस्तानले दिएको १ सय ८५ रनको लक्ष्य पछ्याएको आयरल्याण्डले २० ओभरमा ६ विकेट गुमाएर १ सय ६३ रन मात्र बनाउन सक्यो ।

आयरल्याण्डका एन्डी बालब्रिनीले ४६ रन बनाए । ह्यारी टेक्टरए ३७ रन तथा केभिन ओ ब्रायनले १९ रन बनाए । अफगानिस्तानका मुजिब उर रहमानले ३ विकेट लिए ।

टस जितेर पहिले ब्याटिङ गरेको अफगानिस्तानले २० ओभरमा ४ विकेट गुमाएर १ सय ८४ रन बनाएको थियो । उसका अस्घर अफगानले ४९ रन जोड्दा रहमान उल्लाहले ३५ रन जोडे ।

जितसँगै तीन खेलको सिरिजमा अफगानिस्तानले २-० को अग्रता समेत बनाएको छ । तेस्रो  तथा अन्तिम टी – ट्वान्टी खेल मंगलबार हुनेछ ।