सर्लाही- प्रहरी हिरासतमा रहेका ‘मिटरब्याजी’ आरोपी बरहथवाका रामबाबु राय यादवसँग जिल्ला अदालत सर्लाहीले बयान लिन शुरु गरेको छ ।

गत शुक्रबार ठगी तथा आपराधिक विश्वासघात सम्बन्धीको कसुरमा अभियोग पत्र दर्ता भएपछि यादवसँग अदालतले आजबाट बयान लिन थालेको हो ।

आइतबार पहिलो दिन बयान नसकिएपछि यादवलाई पुनः जिल्ला प्रहरी कार्यालय मलंगवाकै हिरासतमा पठाइएको छ ।

ऋण दिँदा कपाली तमसुक बनाई चर्को ब्याज असुली गरेको तथा ऋणीले धितो राखेको जग्गा तेस्रो पक्षलाई बिक्री गरेको गुनासो आएपछि प्रहरीले गत पुस २३ गते यादवलाई पक्राउ गरेको थियो ।

न्यायाधीश हरिप्रसाद कोइरालाको इजलासमा यादवको बयान लिन शुरु गरिएको अदालतका श्रेस्तेदार शिवहरि पौडेलले जानकारी दिए । उनका अनुसार भोलि बयान सकेर भोलिबाटै थुकछेक बहस शुरु हुनेछ ।

न्यायाधीश हरिप्रसाद कोइरालाको इजलासमा यादवको बयान लिन शुरु गरिएको श्रेस्तेदार शिवहरि पौडेलले जानकारी दिए । सम्भवतः भोलि बयान सकेर भोलिबाटै थुकछेक बहस शुरु हुने उनले जानकारी दिए।