काठमाडौं – स्टार खेलाडी क्रिष्टियानो रोनाल्डोको गोलमा सुरुवाती अग्रता लिए पनि इटालियन सिरिएको गएराति सम्पन्न खेलमा युभेन्टस पराजित भएको छ ।

बेन्टेगोडी रंगशालामा भएको खेलमा युभेन्टस हेलास भेरोनासँग २ -० ले स्तब्ध भएको हो ।

खेलको ६५ औं मिनेटमा क्रिष्टियानो रोनाल्डोको गोलबाट युभेन्टसले अग्रता लिए पनि त्यसलाई १० मिनेट भन्दा बढी समय जोगाउन सकेन ।

भेरोनाका लागि फावियो बोरिनीले ७६ औं मिनेटमा गोल गर्दे खेल बराबरीमा ल्याए ।

बराबरीपछि युभेन्टसमाथी हावी भएको भेरोनाले ८६ औं मिनेटमा जाम्पाओ पाक्सिनीको गोलमार्फत जीत सुनिश्चित गर्‍यो ।

हारपछि पनि युभेन्टस २३ खेलबाट ५४ अंकका साथ शीर्ष स्थानमा छ भने समान खेल खेलेको भेरोना ३४ अंकका साथ छैठौं स्थानमा छ ।