मुम्बई – बलिउड कलाकार सैफ अली खानले खुलेर आफ्ना बारेमा कुरा राख्ने गर्छन् । नेपोटिज्मबारे आफ्नो विचार राखेका सैफले बलिउडमा हुने अवार्ड शोका बारेमा पनि आफ्नो धारणा राखेका छन् ।

सैफले अवार्ड शोलाई ठूलो तमासा भएको बताएका छन् । उनले आफ्नो धारणामा यस्ता अवार्ड शोका कार्यक्रममा आफ्नो विश्वास नभएको बताएका छन् ।

साथै उनले एक अन्तर्वार्ताका क्रममा आफूलाई अवार्ड शोका बारेका कुनै चासो नभएको पनि बताएका छन् ।

सैफलाई फिल्म ‘हम तुम’ बाट राष्ट्रिय अवार्ड मिलेको थियो । तर, यो अवार्डका लागि उनी योग्य नभएको चर्चा पनि चलेको थियो ।

सैफले अन्तर्वार्ताका क्रममा बलिउडमा हुने अवार्डलाई ‘तमासा’ भनेका हुन् । ‘केही साल पहिले एक अवार्ड शो मा गएका थिएँ, उहाँ मलाई बेस्ट एक्टरको अवार्ड दिने भनियो, पछि मलाई कमिक रोलमा बेस्ट एक्टरका अवार्ड दिने भनियो,’ उनले भने ।

सैफले अवार्ड कार्यक्रमलाई पैसा कमाउने माध्यम भएको पनि बताए । उनले भने, ‘सबै थोक व्यवसायिक भइसकेको छ, अहिले त कलाकारले स्टेजमा प्रस्तुति पनि पैसाका लागि गर्न थालेका छन् ।’