कोरोना भाइरसको संक्रमणका कारण विश्वको अर्थतन्त कृषि क्षेत्रमा समेत यसको असर देखा परेको छ ।
यहि बिचमा सामाजिक सञ्जालमा एक किसान र उनको परिवारको भिडियो भाइरल बनेको थियो । भिडियो यति हृदयविदारक थियो कि, किसानले आफ्नी दुई छोरीलाई गोरुको सट्टा जुवा बोकाएर खेत जोतिरहेका थिए ।
खासमा ती किसानको यो रहर भन्दा पनि बाध्यता थियो । अति विपन्न परिवारका किसानले रकमको अभावले गोरु किन्न सकेनन् । तसर्थ यसपटकको खेतीका लागी उनीसंग अर्को कुनै विकल्प थिएन । खेत बाझो राखे भोकले मरिने भन्दै उनले छोरीको सहयोगमा खेत जोत्न थाले । तर यहि भिडियो निकै भाइरल बन्यो ।
Terrible! Tomato farmer in Madanapalle, #Chittoor dt, forced to use his daughters for ploughing as he doesn’t have money to rent bulls. He suffered huge losses last time due to #coronavirus pandemic. With no cash in hand, he begins Kharif season on a sombre note. #AndhraPradesh pic.twitter.com/p4Tqz0eD9I
— krishnamurthy (@krishna0302) July 25, 2020
आन्ध्र प्रदेशका ती किसानलाई बलिउड अभिनेता सोनु सुदले सहयोग गरेका छन् । हुनत सोनुले सहयोग गरेको यो पहिलो होइन । उनले यसअघि हजारौ प्रवासीलाई घर पुर्याउन रातदिन करौडौं खर्चेर सहयोग गरेका छन् ।
सोनुले भिडियो हेर्नासाथ एक ट्विट गर्दै लेखेका थिए, भोलि बिहान यिनले दुई गोरुद्धारा खेत जोत्नेछन् । किसान भारतको गौरव हो । यी बच्चीलाई पढ्न दिउँ ।
सोनुको उक्त ट्विट रातारात सामाजिक सञ्जालमा भाइरल बन्यो । उनका फ्यानले उनलाई समस्याका भगवान मान्दै आएका छन् ।
सोनुको उक्त ट्विटमा अर्का एक ब्यक्तिले भारतमा माउन्टेनम्यानका नामले चिनिने दशरथ माँझीको परिवारको कमजोर आर्थिक अवस्थाबारे जानकारी गराउँदै सहयोगको अपिल गरेका थिए ।
जसमा सोनुले लेखे, आजबाट समस्या सकिन्छ । आजै हुन्छ भाइ ।
प्रतिक्रिया