चितवन-  भरतपुर अस्पताल कोभिड-१९ प्रयोगशालामा गरिएको परीक्षणमा थप ५ जनामा कोरोना संक्रमण पुष्टि भएको छ ।

अस्पतालले बुधबार बेलुकी जारी गरेको विज्ञप्तिअनुसार नयाँ संक्रमण पुष्टि हुने ४ जना चितवनका र १ जना नवलपुरका छन् ।

अस्पतालका अनुसार संक्रमण पुष्टि हुनेमा चितवनको भरतपुर महानगरपालिका वडा नं १७ र १८ का ३ जना पुरुष रहेका छन् भने कालिका नगरपालिका वडा नं २ का ३८ वर्षीय एकजना पुरुष छन् ।

त्यसैगरी नवलपरासी पूर्वको गैंडाकोट नगरपालिका वडा नं १३ का एकजना ३१ वर्षीय पुरुषमा पनि संक्रमण भेटिएको छ ।

भरतपुर अस्पतालमा असार २४ गते संकलित कुल २५५ स्वाब नमूनामध्ये ५ जनाको रिपोर्ट पोजेटिभ आउँदा अन्य २५० नमूनाको रिपोर्ट भने नेगेटिभ आएको अस्पतालले स्पष्ट पारेको छ ।