बर्दिया- बर्दियामा सोमबार थप १८ जनामा कोरोना संक्रमण पुष्टि भएको छ ।

बाँकेको नेपालगंजस्थित भेरी अस्पतालको प्रयोगशालामा गरिएको परीक्षणमा बारबर्दिया नगरपालिकाका २ जना, मधुवन नगरपालिकाका ४, बासगढी नगरपालिकाका ९ र ठाकुरबाबा नगरपालिकाका ३ जना गरी जम्मा १८ जनामा कोरोना संक्रमण पुष्टि भएको स्वास्थ्य कार्यालय बर्दियाका प्रमुख गोकर्ण गिरीले जानकारी दिए ।

स्वास्थ्य कार्यालयका अनुसार बारबर्दिया वडा नं ७ का २ जना, मधुवन नगरपालिका वडा नं ४ का ३ जना, वडा नं ९ का १ जना, बासगढी नगरपालिका वडा नं २ का ४ जना, वडा नं ६ का २ जना र वडा नं ७ र ९ का एक/एक जनामा कोरोना संक्रमण पुष्टि भएको हो ।

यसैगरि ठाकुरबाबा नगरपालिका वडा नं ३ का २ जना र वडा नं ४ का १ जनामा संक्रमण पुष्टि भएको हो । सोमबार एकैसाथ १८ जनामा संक्रमण पुष्टि भएसँगै बर्दियामा कोरोना संक्रमितको संख्या ५९ पुगेको छ ।

संक्रमण पुष्टि भएका सबै जना पालिकाका क्वारेनटाइनमा बस्दै आएका थिए । क्वारेन्टाइनमा उनीहरुको आरडीटी विधिद्धारा स्वास्थ्य जाच गर्दा पोजेटिभ देखिएपछि पीसीआर जाँच गरिएको हो । संक्रमण देखिएका सबैलाई सम्बन्धीत पालिकामा तयार पारिएको आइशोलेसन कक्षमा राखिने बताइएको छ ।