काठमाडौं – श्रीलंकाको बहुचर्चित  ब्राण्ड कुमारिका र बेबी शेरामीको बिक्री नेपाली बजारमा खुला गरिएको छ । आज एक कार्यक्रम गर्दै कुमारिका र बेबी शेरामीको नेपाली बजारमा औपचारिक बिक्री खुला गरिएको हो ।

कार्यक्रममा पूर्व प्रधानमन्त्री झलनाथ खनाल, हेमाज म्यानुफ्याक्चरिङ प्रा. लि का निर्देशक श्री रोय जोसेफको उपस्थिति रहेको थियो ।

हेमाज म्यानुफ्याक्चरिङका उत्पादन कुमारीका र बेबी शेरामीको नेपालको लागि आधिकारिक बिक्रेताका रुपमा नमस्ते ट्रेड लिंक प्रा. लि. रहेको छ ।

कपाल र बालबालिकाको हेरचाहका लागि हेमाज म्यानुफ्याक्चरिङ प्रा. लि सो ब्राण्डका उत्पादन नेपाली बजारमा ल्याएको हो ।

हेमाजले विगत लामो समयदेखि यातायात, स्वास्थ सेवा र अन्य क्षत्रमा काम गर्दै आएको छ ।

हेमाजले बेबीकेयर (साबुन, स्याम्पु, कोलोन, क्रिम, लोसन), ओरल केयर (मन्जन,माउथवास), स्किन केयर ( साबुन, लोसन, बडि वास), हेयर केयर (ओइल,स्याम्पु,कन्डिसनर,सिरम), सुगन्ध अत्तर र कोलोन दुबै महिला,पुरुषका लागि) र स्यानिटरी न्यापकिन्सको बजारीकरण तथा बिक्री वितरण गर्दै आएको नमस्ते ट्रेड लिंक प्रा. लि.का अध्यक्ष तारा बहादुर कुँवरले जानकारी दिए ।

कुमारीका ब्राण्डको कपालको तेल एक हर्बल तेल हो जुन नरिवलको तेलमा प्राकृतिक जडिबुटिहरु मिलाई तयार पारिएको हो । यसले कपाललाई आकर्षक र सुन्दर पार्ने जनाइएको छ । कुमारिकामा हेयर आयल, स्याम्पु, कण्डिशनर,शिरम रहेका छन् ।

यस ब्राण्डका उत्पादनहरु कोलोन, क्रीम, लोसन, स्याम्पु , साबन, पाउडर लगायत छन् । बेबी शेरामी आमाहरुका माझ विश्वासीलो ब्राण्डका रुपमा स्थपित भइसकेको छ जसले बच्चाहरुको छालाको हेरचाह गर्ने उत्पादन कम्पनीको दाबी छ ।

कुमारिका र बेबी शेरामी ब्राण्ड उत्पादनहरु भारत, मलेशिया, माल्दिब्स, पाकिस्तान, लेबनन, बङ्गलादेश, यूके, न्यूजिल्याण्ड, अष्ट्रेलिया र द मिडल ईष्ट जस्ता देशहरुमा निर्यात भइरहेको कम्पनीले जनाएको छ ।