एजेन्सी– इराकमा अमेरिकी सैन्य ठेगानामा इरानले मिसाइल हमला गरेसँगै कच्चा तेलको मूल्य बढेको छ ।

एसियाली बजारमा कच्चा तेलको मूल्य २.५ प्रतिशतले बढेको हो र यससँगै अब ६९.९४ डलर प्रति ब्यारलको स्तरमा पुगेको छ ।

यो मूल्यबृद्धि मध्य पूर्वबाट तेलको सप्लाई बन्द हुने आशंकामा भएको हो ।

भारतमा विशेषगरि मध्यपूर्वका देशबाट धेरै तेल आउने गरेको छ जसमा इराक पहिलो नम्बरमा रहेको छ । त्यसपछि साउदी अरब, ओमान र केवेत रहेका छन् । नेपालले भने भारतबाट तेलको आयात गर्दै आएको छ ।

यससँगै सुनको मूल्यपनि बढेको छ । सेयर बजारमा पनि नकारात्मक असर देखिएको छ ।

अमेरिकाले इरानी सैन्य कमाण्डर कासिम सुलेमानीको हत्या गरेसँगै इरानले इराकमा रहेको अमेरिकी दुई सैन्य अखडामा मिसाइल आक्रमण गरेको हो । यसलाई इरानले बदला लिएको बताएको छ ।