जनकपुर- प्रहरीले जनकपुरकाे एक होटेलबाट ८ जुवाडे पक्राउ गरेको छ ।
जनकपुरधाम उपमहानगर-५ स्थित डिके होटेलबाट ८ जना जुवाडेलाई पक्राउ गरिएको जिल्ला प्रहरी कार्यालय धनुषाले जानकारी दिएको हो । जुवाखालबाट १ लाख ६३ हजार ६६० रुपैयाँ नगद बरामद भएको प्रहरीले जनाएको छ ।
पक्राउ पनेरुमा जनकपुरधाम ४ का ४० वर्षीय गणेश साह, सोही वडाका ३४ वर्षीय बेचन साह, वडा ५ का ३७ वर्षीय कैलाशप्रसाद गुप्ता, सोही वडाका २४ वर्षीय शिवु मण्डल, ४५ वर्षीय बद्री साह, ४३ वर्षीय दिलीप मण्डल, वडा २ का ४६ वर्षीय विनय साह र वडा १ का सञ्जिप ठाकुर रहेका छन् ।
पक्राउ परेकामध्ये दिलीप मण्डल होटेलका सञ्चालक हुन् ।
प्रतिक्रिया