कञ्चनपुर- कञ्चनपुरमा एकथान कटुवा पेस्तोल र दुई राउण्ड गोलीसहित एक जनालाई प्रहरीले पक्राउ गरेको छ ।
सशस्त्र प्रहरीको टोलीले बेलौरी नगरपालिका–१० भुडाका २४ वर्षीय खुशीराम चौधरीलाई हतियारसहित पक्राउ गरेको हो ।
सशस्त्र प्रहरी बल बोर्डर आउट पोष्ट भुडाका सशस्त्र प्रहरी सहायक निरीक्षक राजेन्द्रप्रसाद भट्टका अनुसार उनको साथबाट २ राउण्ड गोली र पेस्तोल बरामद भएको छ ।
पक्राउ परेका चौधरीलाई अनुसन्धानका लागि इलाका प्रहरी कार्यालय बेलडाँडीको जिम्मा लगाइएको उनले बताए ।
उनलाई हातहतियार तथा खरखजाना ऐन अन्तर्गत कारबाही हुने इलाका प्रहरी कार्यालय बेलडाँडीका प्रहरी निरीक्षक राजेन्द्र बहादुर सिंहले बताए ।
प्रतिक्रिया