काठमाडौं- कोरोना नियन्त्रणका लागि ट्रम्प प्रशासनको चर्को आलोचक मानिएका अमेरिकाका वरिष्ठ फिजिसियन डाक्टर एन्थोनी फाउचीले आफूलाई ज्यान मार्ने धम्की आएको बताएका छन् ।

कोरोना महामारी नियन्त्रणका लागि अमेरिकामा के–के भइरहेको छ भनेर सार्वजनिक रुपमा विस्तारमा बताएकाले आफूलाई ज्यान मार्ने धम्की आएको तथा छोरीलाई पनि अनाहकमा दुःख दिइएको उनको भनाइ छ ।

‘मलाई र मेरो परिवारका सदस्यलाई मार्ने धम्की दिने, मेरा छोरीहरुलाई पनि दुःख दिने ताकि मैले आफ्नोलागि सुरक्षाकर्मी राख्नुपरोस् ।’ यो त अस्वाभाविक भयो,’ ह्वाइट हाउस कोरोना भाइरस टास्क फोर्सका सदस्यसमेत रहेका डाक्टर फाउचीले सीएनएनसँग कुराकानीमा भने ।

उनले आफूलाई धम्की दिने व्यक्ति को हुन् भन्नेबारे चाँही केही पनि खुलाएका छैनन् । कोरोना नियन्त्रणको सवालमा अमेरिकी राष्ट्रपति डोनाल्ड ट्रम्पको अभिव्यक्ति र व्यवहारको उनी चर्को आलोचकसमेत हुन् ।