काठमाडौं- पछिल्लो २४ घण्टामा थप ६८८ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या हालसम्म ७ हजार ४९९ पुगेको छ ।

उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।

७७ जिल्लामा कोरोना संक्रमण देखिएकोमा ४ जिल्ला तेह्रथुम, भोजपुर, सोलुखुम्बु र हुम्ला कोरोना संक्रमण मुक्त भएका छन्।

नेपालमा पछिल्लो २४ घन्टामा थप २ सय ४ जनामा कोरोना भाइरसको संक्रमण देखिएको छ। योसँगै संक्रमितको संख्या १६ हजार १ सय ६८ पुगेको छ।

मंगलबार विभिन्न प्रयोगशालबाट ६ हजार १ सय ३३ जनाको पिसिआर टेस्ट भएको छ।

हालसम्म २५ हजार ७ सय २७ जना क्वारेन्टाइनमा रहेका छन् भने ८ हजार ६ सय ३४ जना आइसोलेसनमा रहेको मन्त्रालयले जनाएको छ।

कोरोनाका कारण ज्यान गुमाउनेको संख्या ३५ पुगेको छ ।