काठमाडौं– पाटन अस्पतालमा मृत्यु भएका युवकमा कोरोना संक्रमण पुष्टि भएको छ ।

अस्पतालका निर्देशक डा. विष्णु शर्माले अस्पतालमा उपचारका क्रममा मृत्यु भएका गोरखाका युवकमा कोरोना संक्रमण पुष्टि भएको जनाकारी दिए ।

डा. शर्माका अनुसार आत्महत्याको प्रयास गरेका ती युवकलाई असार २० गते पाटन अस्पताल ल्याइएको थियो । उनको उपचारको क्रममा सोमबार राति मृत्यु भएको हो ।

उनको कोरोना परीक्षणको रिपोर्ट पनि पोजेटिभ आएको डा. शर्माले खबरहबलाई बताए ।

‘हाम्रो अस्पतालमा आत्महत्या प्रयास गरेर गम्भीर भएका गोरखाका एक जना २७ वर्षका युवा भर्ना भएका थिए,’ डा शर्माले भने, ‘हिजो राति उनको मृत्यु भयो, कोरोना परीक्षणको रिपोर्ट पनि पोजेटिभ आएको छ ।’