काठमाडौं – अमेरिकी नौसैनिकलाई स्वास्थ्यमा समस्या देखिएका कारण मानवीय कारणले रिहा गरेको इरानले प्रष्ट्याएको छ ।

इरानको गुप्तचर प्रशासन मामिला मन्त्रालयले शनिवार विज्ञप्ति जारी गर्दै हालै रिहा भएका अमेरिकी कैदीको स्वास्थ्य मा समस्या आएपछि मानवीय नाताले रिहाई गरेको जनाएको छ ।

इरानविरूद्ध जासुसी गरेको आरोपमा २ वर्ष पहिले इरानबाट पक्राउ गरिएका मिखाएल ह्वाइटलाई बिहीबार रिहा गरिएको थियो ।

संयुक्त राज्य अमेरिकाले पनि बिहीबार नै इरानी वैज्ञानिक मजिद ताहेरीलाई रिहा गरेको थियो ।

इरानी विदेश मन्त्रालयका प्रवक्ता अब्बास मौसवीले ह्वाइटको रिहाईपछि इरानले मानवीय समवेदनाका आधारमा इरानी बन्धकहरूलाई संयुक्त राज्य अमेरिका वा अन्य मुलुकमा जहाँ भए पनि रिहा गरेका घटनाको स्वागत गर्ने बताएका छन् ।