काठमाडौं – जर्मन बुन्डेसलिगा फुटबलमा बोरुसिया डर्टमण्डले संघर्षपूर्ण जीत निकालेको छ ।
शनिबार राति भएको खेलमा दोस्रो स्थानको डर्टमण्डले हेर्था बर्लिनलाई १-० गोलको झिनो अन्तरले पराजित गरेको छ ।
घरेलु मैदानमा डर्टमण्डलाई जीत दिलाउन इम्री क्यानले निर्णायक गोल गरे । पहिलो हाफ गोलरहित बराबरीमा सकिएको खेलको ५८ औं मिनेटमा क्यानले निर्णायक गोल गरेका थिए ।
जीतसँगै डर्टमण्डले शीर्ष स्थानको बायर्न म्युनिखसँगको अंक दूरी घटाएको छ ।डर्टमण्डले बायर्नसँगको अंक दुरी ७ मा झारेको छ । डर्टमण्डले ३० खेलमा ६३ अंक जोडेको छ ।
प्रतिक्रिया