काठमाडौं- विश्व स्वास्थ्य संगठनले सामान्य अवस्थामा पनि मास्क लगाउन सुझाव दिएको छ ।

स्वस्थ्य मानिसका लागि मास्क लगाउने निर्देशिका परिमार्जन गर्दै डब्ल्यूएचओ आफूलाई सुरक्षित राख्न मास्क लगाउन सुझाएको हो ।

संगठनले सर्वसाधारणलाई विशेष समयमा मास्क लगाउन सरकारले नै प्रोत्साहन गर्नुपर्ने सुझाएको छ ।

विश्व स्वास्थ्य संगठनको नयाँ निर्देशिकाले सामाजिक दूरी बनाउन समस्या हुने भिडभाड, पसल र सार्वजनिक यातायातमा स्वस्थ्य मानिसले मास्क लगाउन सुझाएको छ ।

त्यस्तो मास्क श्वास लिन योग्य तीन तहको हुनुपर्ने स्वास्थ्य संगठनले जनाएको छ । स्वस्थ्य मानिसले मास्क लगाउँदा सङ्क्रमण रोक्नेबारे कुनै वैज्ञानिक वा प्रमाणिक कारण स्पष्ट भइसकेको छैन् । यद्दपी मास्क लगाउँदा सङ्क्रमण सर्ने सम्भावित जोखिम न्यूनिकरण हुने विश्वास गरिएको छ ।

स्वास्थ्य अवस्था जटिल हुने ६० वर्षभन्दा माथिको उमेरका वृद्धले आफूलाई सुरक्षित राख्न सामान्य अवस्थामा पनि मेडिकल मास्क लगाउन सुझाइएको छ ।

मास्क लगाए नलगाए पनि मानिसले भिडभाड बनाउन नहुने, कम्तिमा एक मिटर दूरी कायम गरेर बस्नुपर्ने, साबुन पानीले नियमित हात धुनुपर्ने, हाछँयु गर्दा नाक र मुख ‘टिस्यु’ कागजले छोप्नुपर्ने निर्देशिकामा उल्लेख गरिएको छ ।