काठमाडौं- विश्वव्यापी महामारीका रुपमा फैलिएको कोरोना भाइरसको संक्रमणबाट रुसमा ज्यान गुमाउनेको संख्या १ हजार ६२५ पुगेको छ ।

विहीबार मात्र थप  ८८ जनाको मृत्यु भएसँगै ज्यान गुमाउनेको संख्या १ हजार ६२५ पुगेको हो । आजै ११ हजार २३१ जनामा संक्रमण देखिएसँगै संक्रमितको संख्या १ लाख ७७ हजार १६० पुगेको छ ।

रुसमा कोरोना संक्रमित २ हजार ३०० जनाको स्वास्थ्य अवस्था गम्भीर रहेको छ ।

पछिल्लो समय रुस कोरोना भाइरसको महामारी तीव्र देखिएको छ । बुधवार १० हजार ५५९ जना संक्रमित थपिएका थिए भने बुधवार नै ८६ जनाको मृत्यु भएको थियो ।

यो समाचार तयार पार्दासम्म विश्वमा २ लाख ६५ हजार ३६६ जनाको मृत्यु भएको छ भने ३८ लाख ३६ हजार ८१७ जनालाई संक्रमण भएको छ । १३ लाख ८ हजार २०१ जना निको भएर घर फर्किएका छन् । विश्वमा कोरोना संक्रमितमध्ये ४८ हजार ७७ जनाको स्वास्थ्य अवस्था गम्भीर रहेको जनाइएको छ ।