एजेन्सी- युरोपा लिग फुटबलमा आफ्नो तेस्रो खेलमा इटालियन क्लब एसी मिलान पराजित भएको छ ।

समूह चरण अन्तर्गत बिहीबार राति भएको खेलमा मिलान फ्रेन्च क्लब लिलसँग ३-० ले पराजित भएको हो ।

लिलका युसुफ याजिसीले ह्याट्रिक गरेपछि मिलान घरेलु मैदानमै स्तब्ध भएको हो ।

खेलको २२औं मिनेटमा युसुफले पेनाल्टीमा गोल गर्दै लिललाई सुरुवाती अग्रता दिलाएका थिए । ५५औं मिनेटमा युसुफले व्यक्तिगत दोस्रो गोल गर्दै लिललाई २-० को अग्रता दिलाए ।

खेलको ५८औं मिनेटमा युसुफले ह्याट्रिक पूरा गर्दै लिललाई ३-० को सहज जित दिलाए ।

जितसँगै समूह ‘एच’ को लिल शीर्ष स्थानमा उक्लिएको छ । लिलले ३ खेलमा ७ अंक जोडेको छ । मिलान ३ खेलमा ६ अंक जोडेर दोस्रो स्थानमा रहेको छ ।