काठमाडौं- नेपालमा पछिल्लो २४ घण्टामा थप २ सय ३३ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त भई अस्पतालबाट डिस्चार्ज हुनेको संख्या १५ हजार ३ सय ८९ रहेको छ ।

कुल संक्रमितमध्ये ७०.७ प्रतिशत कोरोना संक्रमित निको भई डिस्चार्ज भएको स्वास्थ्य मन्त्रालयले जानकारी दिएको छ ।

कुन प्रदेशमा कति जना संक्रमण मुक्त ?

प्रदेश १ मा ९३७ जना

प्रदेश २ मा ३२३४ जना

वाग्मती प्रदेश ५९१जना

गण्डकी प्रदेशमा १३६२ जना

प्रदेश ५ मा ४०९७ जना

कर्णाली प्रदेशमा १७७७ जना

सुदूरपश्चिम प्रदेशमा ३३९१ जना

नेपालमा आज (बिहीवार) थप ३६० जनामा कोरोना भाईरस (कोभिड-१९) संक्रमण पुष्टि भएको छ । योसँगै नेपालमा कोरोना संक्रमितको कुल संख्या २१ हजार ७५० पुगेको छ ।

आज काठमाडौं उपत्यकामा मात्र ८७ जना कोरोना संक्रमित थपिएका छन् । नेपालमा अहिलेसम्म कोरोना भाइरस संक्रमणका कारण ६५ जनाको मृत्यु भएको छ ।