एजेन्सी – एक सयभन्दा बढीको मृत्यु तथा ४ हजारभन्दा धेरै घाइते हुने गरी भएको शक्तिशाली विस्फोटपछि लेबननको राजधानी बेइरूतमा संकटकाल घोषणा गरिएको छ ।
मंगलबार शक्तिशाली विष्फोट भएको भोलिपल्ट लेबननको राजधानी बेइरुतमा एक हप्ताका लागि संकटकाल घोषणा गरिएको हो ।
बुधबार बसेको त्यहाँको मन्त्रिपरिषद् बैठकले संकटकाल घोषणा गरेको हो । मन्त्रिपरिषद् बैठकले राजधानीको सुरक्षाको जिम्मेवारी सेनालाई दिएको अन्तर्राष्ट्रिय सञ्चार माध्यमहरूले जनाएका छन् ।
बेइरुत बन्दगाह नजिकै रहेको खाद्यान्न गोदाममा भएको विस्फोटबाट एक महिनाका लागि पुग्ने खाद्यान्नसमेत नष्ट भएको थियो ।
प्रतिक्रिया