कोरोना भाइरसको महामारी नियन्त्रण र रोकथाम गर्न गरिएको लकडाउनले बलिउडमा अहिले कलाकारहरु वेभसिरीज देखा पर्ने क्रम बढ्दो छ ।

फिल्मी पर्दाबाट हराएका कलाकारको समेत वेभसिरीज मार्फत पुनरागमन भएको छ । डिजिटल दुनियामा अभिनय देखाउने अवसर पाएका बलिउडका दिग्गज कलाकार समेतको यसमा आर्कषण बढ्दो छ ।

बर्षाै फिल्मी पर्दाबाट गायब रहेका तथा फ्लप फिल्मका कारण ओझेलमा रहेका बलिउडकर्मीको सहारा वेभसिरीज बनेको हो । वेभसिरीज मार्फत पुनः चर्चामा आएका बलिउड कलाकार यस प्रकार छन् :

सुष्मिता सेन

मिस युनिवर्स १९९४ तथा चर्चित बलिउड अभिनेत्री सुष्मिता सेन बर्षाै फिल्मबाट ओझेलमा रहेपछि अहिले पूनः चर्चामा छिन् ।

उनले आफ्नो अभिनयलाई दर्शकमाझ ल्याउन वेभसीरीज रोजेकि हुन् । उनी आर्या नामक वेभ सिरीज मार्फत कमब्याक भएकि छन् ।

चन्द्रचुर सिंह
राम्रो अभिनेताका रुपमा आफुलाई बलिउडमा स्थापित गरेका चन्द्रचुर सिंह एक दुर्घटना पश्चात फेरी फिल्ममा जम्न सकेनन् ।

तसर्थ उनी पनि वेभसिरीज आर्या मार्फत नै कमब्याक भएका छन् । उनि लगातार फ्लप फिल्म मार्फत वेभसिरीजमा स्थापित हुने प्रयाशमा छन् ।

लारा दत्त

मिस युनिर्भस २००० तथा बलिउड अभिनेत्री लारा दत्त बलिउडमा सानातिना रोलमा देखा पर्दै आएकि छन् ।

प्रियंका चोपड़ासंगै फिल्मी करियर शुरु गरेकी लारा बलिउडमा खासै सफल हुन सकिनन् । तसर्थ उनी पनि हन्ड्रेड नामक वेभसिरीज मार्फत दर्शक माझ आएकि छन् ।

करिश्मा कपुर

फिल्मी पर्दाबाट गायब बनेकी कुनै जमानाकी चर्चित अभिनेत्री करिश्मा कपुर पनि वेभसीरीज मेन्टलहुड मार्फत कमब्याक गरेकि छन् । मेन्टलहुडलाई खासै राम्रो प्रतिकृया नमिले पनि करिश्माको अभिनयको भने तारिफ भएको छ ।

सैयामी खेर
हिन्दि फिल्म मिर्ज्याबाट बलिउडमा पाइला राखेकी सैयामी खेरले खासै राम्रो सफलता पाउन सकिनन् । पहिलो फिल्म नै फ्लप रहेपछि सैयामी वेभसिरीजको सहारामा अघि बढ्दै छिन् ।

स्पेशल ओपिएस र नेटफ्लिक्सको फिल्म चोक्ड मार्फत उनी दर्शक माझ आएकि छिन् ।