काठमाडौं- कोरोना महामारीका बेला समस्यामा परेका संखुवासभाका पर्यटन मजदूरहरुलाई राहत प्रदान गरिएको छ ।

सेभेन समिट ट्रेक्स् प्रालीको सहयोगमा शेर्प परिवारले  संखुवासभाका आरोही र पर्यटन मजदुरलाई ६० लाख बराबरको राहत प्रदान गरेका हुन् ।

उनीहरुले संखुवासभा स्थायी घर भएका काठमाडौं उपत्यकामा बस्दै आएकाहरुलाई राहत प्रदान गरेका हुन् ।

करिब १२०० परिवारलाई दाल, चामल लगायत केही रकम समेत सहयोग गरिएको संस्थाका प्रबन्ध निर्देशक टासी लाक्पा शेर्पाले जनाए ।

उनले राहत वितरणको कार्यलाई निरन्तरता दिइरहेको बताए ।  समस्यमा परेका अरू जिल्लाका नागरिकलाई पनि राहत प्रदान गरिएको संस्थाका अध्यक्ष मिङमा शेर्पाले बताए ।

उनले आपत-विपतमा परेका विद्यार्थी, आरोही, पर्यटन मजदूरहरुलाई राहत प्रदान गरिएको जानकारी दिए ।

उनीहरुले काठमाडौमा मात्र नभई संखुवासभा जिल्लाको स्थानीय तहमा समेत राहत प्रदान गर्दै आएका छन् ।