काठमाडौं- शनिबारसम्म नेपालका ७० जिल्लामा कोरोना भाइरसको संक्रमण फैलिएको छ ।

स्वास्थ्य मन्त्रालयका अनुसार जाजरकोट र डोल्पा जिल्ला थपिएसँगै नेपालमा शनिबारसम्म कोरोना भाइरस कोभिड-१९ बाट प्रभावित हुने जिल्लाको सङ्ख्या ७० पुगेको छ ।

शनिबारसम्म नेपालमा कोरोना संक्रमितको संख्या  ३ हजार २३५ पुगेको छ । पछिल्लो २४ घण्टामा ३२३ जना कोरोना संक्रमित थपिएसँगै जम्मा संक्रमितको संख्या ३ हजार २३५ पुगेको हो । हिजोसम्म कोरोना संक्रमितको संख्या २ हजार ९१२ पुगेको थियो ।

नेपालमा हालसम्म कोरोना संक्रमणका कारण ज्यान गुमाउनेको संख्या १३ पुगेको छ भने ३६५ जना सफल उपचार पछि घर फर्किएका छन् ।

कुन प्रदेशमा कति संक्रमित ? 

प्रदेश नम्बर १ का १२ जिल्लामा २ सय ४९ जना

प्रदेश नम्बर १ का ८ जिल्लामा १ हजार ७७ जना

बागमती प्रदेशका १२ जिल्लामा ९० जना

गण्डकी प्रदेशका ९ जिल्लामा ७३ जना

प्रदेश ५ का ११ जिल्लामा १ हजार ६१ जना

कर्णालीका ९ जिल्लामा ५ सय ७९

सुदुरपश्चिमका ९ जिल्लामा १ सय ६ जना