वीरगंज- नेपाल र अजरबैजानले दुई पक्षीय व्यापारका लागि सहकार्यको विकास गर्नु पर्ने आवश्यक रहेको नेपाल र भारतका लागि अजरबैजानका राजदूत डा. असर्रफ शिखालिएवले बताएका छन् ।

वीरगंजमा आयोजीय सम्मान तथा परिचयात्मक कार्यक्रममा नेपाल र अजरबैजान भौगोलिक रुपमा समान रहेकोले यसको फाईदा दुबै देशले लिनु पर्ने बताएका हुन् ।

उनले नेपाल कृषि र पर्यटनमा संभावना बोकेको देश रहेकोले यहाँबाट जडिबुटी उत्पादन गरेर अजरबैजान निर्यात गर्दा आर्थिक समृद्धिमा सहयोग पुग्ने विचार व्यक्त गरे ।

अजरबैजान २० बर्ष अघि ४५ प्रतिशत गरिबीको रेखामुनी रहेको बताउँदै उनले अहिले ७५ प्रतिशत सूचना प्रविधितको पहुँचमा पुगिसकेको र शतप्रतिशत साक्षरता रहेको बताए ।

उनले देशलाई आर्थिक रुपमा समृद्ध बनाउँनका लागि शिक्षा र सूचना प्रविधिको उच्चतम प्रयोग गर्नु पर्नेमा जोड दिए ।

वीरगंज उद्योग वाणिज्य संघका अध्यक्ष गोपाल केडियाले नेपालमा कृषि जन्य उत्पादनका उद्योगहरुमा प्रचुर संभावना भएकोले अजरबैजानले कृषि क्षेत्रमा लगानी गर्नेमा आफू विश्वस्त रहेको बताए ।

परिचयात्मक कार्यक्रममा बिरगंजका उद्योगी व्यवसायी, राजनीतिककर्मी तथा सञ्चारकर्मीहरुले अजरबैजानले प्राप्त गरेको सफलता र त्यहाँको सामाजिक, आर्थिक, शैक्षिक विकासको बारेमा जिज्ञासा राखेका थिए ।