काठमाडौं- महिला टी–२० विश्वकप क्रिकेटको उपाधिका लागि भारत र अष्ट्रेलिया भिड्ने भएका छन् । फाइनल खेल मेलबर्न क्रिकेट मैदानमा शनिबार हुनेछ ।

बर्षाले प्रभावित दोस्रो सेमिफाईनलमा अष्ट्रेलियाले डीएलएस पद्धतीका आधारमा दक्षिण अफ्रिकालाई ५ रनले पराजित गर्दै विश्वकपको फाइनलमा स्थान बनाएको हो । चार पटकको च्याम्पियन अष्ट्रेलियाले भारतलाई हराउँदै पाँचौं पटक उपाधि चुम्ने लक्ष्यमा रहेको छ ।

दोस्रो सेमिफाइनलमा दक्षिण अफ्रिकाले टस जितेर अष्ट्रेलियालाई पहिला ब्याटिङको निम्तो दिएको थियो । जसमा पाहुना टोलीले २० ओभरमा ५ विकेट गुमाएर १ सय ३४ रन बनाएको थियो ।

वर्षाका कारण छोट्याईएको खेलमा दक्षिण अफ्रिकालाई १३ ओभरमा ९८ रनको लक्ष्य निर्धारण गरिएको थियो । जसमा दक्षिण अफ्रिकाले १३ ओभरमा ५ विकेट गुमाएर ९२ रन बनाएको थियो ।

भारत यसअघि नै फाइनल पुगेको थियो । भारत र ईङ्ल्याण्डबीच पहिलो सेमिफाइनलको खेल तय थियो । तर बर्षाले खेल प्रभावित बन्यो । आईसीसीले सेमिफाईनल र फाईनलका लागि कुनै रिजर्व डे राखेको थिएन । भारत पहिलो पटक महिला विश्वकपको फाइनल प्रवेश गरेको हो ।

समूह चरणमा भारतले सबै खेलमा जित निकाल्दै अंक तालिकामा शीष स्थानमा रहँदै नकआउट चरण प्रवेश गरेको थियो ।