काठमाडौं – सुशान्त सिंह राजपूतको आत्महत्याको केश अब सीबीआई (केन्द्रीय अन्वेषण ब्यूरो) ले अनुसन्धान गर्ने भएको छ ।

प्रहरीले हेरेको यो केश सीबीआईलाई ट्रान्सफर गरिएको हो । अब यो केशमाथि सीबीआईले अनुसन्धान थाल्नेछ।

लामो समयदेखि सामाजिक सञ्जालका माध्यमबाट सीबीआई जाँच हुनुपर्ने माग गरिएको थियो । सुशान्तको परिवारले पनि यो घटनामा सीबीआई जाँच हुनुपर्ने बताएका थिए ।

केन्द्र सरकारका वकिलले बिहार सरकारको सिफारिस स्वीकार गरेको हो ।

सुशान्तका वकिलले पनि मुम्बई प्रहरीको विश्वास नभएको प्रतिक्रिया दिएका थिए । उनले प्रहरीले रियाको समर्थन गरेको आरोप लगाएका थिए ।

गत १४ जुनमा सुशान्तले मुम्बईस्थित आफ्नो निवासमा घाँटीमा पासो लगाएर आत्महत्या गरेका थिए ।