काठमाडौं – काठमाडौं उपत्यकामा आज ६२ जना नयाँ संक्रमित थपिएका छन् । आज थपिएका मध्ये काठमाडौंमा ५७ र ललितपुरमा ५ जना रहेका छन् ।

स्वास्थ्य मन्त्रालयका अनुसार राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा काठमाडौंका २७ जनामा कोरोना संक्रमण पुष्टि भएको छ ।

यस्तै शुक्रराज ट्रपिकल तथा सरुवा रोग अस्पतालमा गरिएको परीक्षणमा ललितपुरका एकजना, काठमाडौंका १४ जनामा कोरोना पुष्टि भएको छ ।

यसैगरी पाटन अस्पताल ललितपुरमा गरिएको परीक्षणमा काठमाडौंका २ जना, लिलतपुरका २ जनामा कोरोना संक्रमण पुष्टि भएको छ ।

यस्तै त्रिवि शिक्षण अस्पताल महाराजगंजमा गरिएको परीक्षणमा काठमाडौंका एकजनामा कोरोना पुष्टि भएको छ । यस्तै नेपाल प्रहरी अस्पतालमा गरिएको परीक्षणमा काठमाडौंका ११ जनामा कोरोना संक्रमण पुष्टि भएको छ ।

स्टार अस्पताल सानेपामा गरिएको परीक्षणमा काठमाडौंका एकजना, ललितपुरका २ जनामा कोरोना पुष्टि भएको मन्त्रालयले जानकारी दिएको छ ।

बीआइडिएच ल्याब काठमाडौंमा गरिएको परीक्षणमा काठमाडौंका एकजनामा कोरोना पुष्टि भएको छ । योसँगै आजमात्रै काठमाडौं उपत्यमाका ६२ संक्रमित थपिएका छन् ।

यसैबीच नेपालमा कोरोना संक्रमितको संख्या २१ हजार ३९० पुगेको छ ।

आज ३८१ जना थपिएका छन् । मंगलबार २५९ जना थपिएका थिए । सोमबार ४१८ जना थपिएका थिए । आइतबार २४६ जना थपिएका थिए । यस्तै शनिबार ३१५ जना थपिएका थिए । आज ६ हजार ३५९ जनाको पिसिआर परिक्षण गरिएको छ । अब सक्रिय संक्रमितको संख्या ६ हजार १७६ जना छ ।

यस्तै निको हुनेको संख्या १५ हजार १५६ जना पुगेको छ । आज १३० जना निको भएका छन् । मंगलबार ६५ जना निको भएका थिए । सोमबार ३५८ जना थपिएका थिए । आइतबार १११ जना निको भएका थिए । यस्तै शनिबार ९३ जना निको भएका थिए । ७० प्रतिशत निको भएका छन् ।

यस्तै मृत्यु हुनेको संख्या ६० पुगेको छ ।