महेन्द्रनगर- डोटीमा पहिरोले पुरिएर ६ महिने शिशुको ज्यान गएको छ ।
अविरल वर्षासँगै आएको पहिरोमा परी आइतबार जिल्लाको पूर्वीचौकी गाउँपालिका–४, सानागाउँ स्थित नुवाकोट टोलका भक्त नेपालीका ६ महिने छोरा छत्र पहिरोमा परेको प्रमुख जिल्ला अधिकारी भीमप्रसाद भट्टराईले बताए ।
उनका अनुसार शिशुकी आमा देवा नेपाली गम्भीर घाइते भएकी छन् । उनलाई जिल्ला अस्पताल, डोटी पु¥याइएको छ ।
पहिरो आउँदा घरभित्र भक्त, श्रीमती देवा, दुई छोरा र एक छोरी गरी ५ जना थिए । चार जना भागेर बाँच्न सके पनि शिशु पहिरोमा पुरिएका थिए ।
प्रमुख जिल्ला अधिकारी भट्टराईले पहिरोले घर पुरै भत्काएको जानकारी दिए ।
प्रतिक्रिया