रौतहट– प्रहरीमाथि हातपात तथा अभद्र व्यवहार गरेको अभियोगमा रौतहटमा १ जना व्यक्ति पक्राउ परेका छन् ।

पक्राउ पर्नेमा जिल्लाको राजपुर नगरपालिका-५ बस्ने ५० वर्षीय राजकिशोर भाट माली छन् ।

घरायसी विवादमा राजकिशोर र छिमेकीबीच झगडा भएको भन्ने खबर प्राप्त हुनासाथ ईलाका प्रहरी कार्यालय राजपुरबाट खटिएको प्रहरीले सम्झाइ बुझाइ गर्ने क्रममा उनले प्रहरीमाथि नै हातपात तथा अभद्र व्यवहार गरेका थिए ।

सम्झाइ बुझाइ गर्ने क्रममा प्रहरीमाथि हातपात गरेपछि सोमबार राति नै प्रहरीले उनलाई पक्राउ गरेको हो । साथै प्रहरीमाथि हातपात गर्ने अर्का व्यक्ति सोही ठाउँ बस्ने २२ वर्षीय धर्मेन्द्र भगत माली भने फरार भएका प्रहरीले जानकारी दिएको छ ।

प्रहरील फरार रहेका भगतको खोजी भइरहेको जानकारी दिएको छ ।