दिक्तेल– खोटाङको दिक्तेल रुपाकोट मझुवागढी नगरपालिका-९ निर्मलीडाँडामा खोलाले बगाएर १४ वर्षीया बालिकाको मृत्यु भएको छ ।

मृत्यु हुनेमा स्थानीय शुक्र रोक्काकी १४ बर्षीया छोरी अम्बिका रोक्का रहेकी जिल्ला प्रहरी कार्यालय खोटाङले जानकारी दिएको छ ।

सोमवार दिउँसो बाख्रा चराउन खोला तर्फ गएको र फर्किँदा बाटोमा पर्ने साप्सु खोला तर्ने क्रममा अचानक बाढीले बगाउँदा अम्बिका बेपत्ता भएकी थिइन् ।

स्थानीयको सूचनाका आधारमा प्रहरी चौकी चिउरीडाँडाबाट खटिएको प्रहरी टोली र स्थानीयवासी समेतको टोलीले खोजतलास गर्ने क्रममा बगाएको स्थान भन्दा करिव १ किलोलमिटर तल मृत अवस्थामा बालिकाको शव फेला परेको जिल्ला प्रहरी कार्यालय खोटाङले जनाएको छ ।