एजेन्सी – नोबेल कोरोना भाइरस (कोभिड १९) का कारण मार्चदेखि रोकिएको ला लिगा जुन महिनामा सुरु गर्ने तयारी भएको छ ।

स्पेनिल फुटबल लिग ला लिगाका बीचमै रोकिएको जारी सिजन जुनबाट शुरुगर्ने गरि तयारी भइरहेको र खेलाडीहरु यहिँ हप्तादेखि अभ्यासमा फर्किने भएका छन् ।

स्पेनको खेल तथा स्वास्थ्य अधिकारीबीच खेलाडी र स्टार्फको सुरक्षाको सुनिश्चितबारे सहमती भएपछि व्यक्तिगत अभ्यास सुरु यहिँ हप्ताबाट सुरु हुने भएको छ ।

अभ्यासका लागि मेदान प्रवेश अगाडि खेलाडीहरुको परिक्षण गरिने भएको छ । मार्चदेखि रोकिएको खेलकुदका लागि ला लिगाले आफ्नो छुट्टै प्रोटोकल बनाइसकेको छ ।

कोरोनाको प्रभाव हेरी सुरुमा व्यक्तिगत अभ्यास र विस्तारै सामुहिक अभ्यासमा लगिने बताइएको छ ।

मे महिना भर हुने प्रगतिले जुनमा खेल गराउनेबारे यकिन हुने ला लिगाको विज्ञप्तिमा भनिएको छ । ला लिगामा बार्सिलोना शीर्ष स्थानमा छ भने अझै लिगमा ११ चरणका खेल बाँकी नैछन् ।