काठमाडौं – बलिउड अभिनेता शाहरुख खानले आफ्नो कार्यालय रहेको ४ तले भवनलाई क्वारेन्टाइन बनाउन प्रस्ताव गरेका छन् ।

भारतीय मिडियाका अनुसार बालबालिका, महिला, वृद्धवृद्धाको हेरचाहका लागि भन्दै शाहरुखले आफ्नो कार्यालय रहेको भवनलाई क्वारेन्टाइन सेन्टर बनाउन प्रस्ताव गरेका हुन् ।

भारतमा कोरोना भाइरसका कारण हजारौं प्रभावित भएका छन् भने फिल्म क्षेत्र पूर्ण रुपमा ठप्प छ । बृहमुम्बई महानगरपालिकाले ट्वीट गर्दै यसबारेमा जानकारी दिएको छ ।

बलिउडका हस्तीहरुले कोरोनाविरुद्धको लडाइँका लागि भन्दै सहयोग गरिरहेका छन् ।

शाहरुखले ५० हजार पीपीई किट, मुम्बईका ५ हजार ५ सय परिवारलाई खाद्य सामग्री दिने घोषणा गरिसकेका छन् भने १० हजारलाई ३ लाख भोजन किट लगायतको सहयोग गर्ने बताएका छन् ।